தினம் ஒரு திருமுறை

தினம் ஒரு திருமுறை

உவந்திட்டங் குமையோர் பாகம் வைத்தவ ரூழி யூழி
பவந்திட்ட பரம னார்தா மலைசிலை நாக மேற்றிக்
கவர்ந்திட்ட புரங்கண் மூன்றுங் கனலெரி யாகச் சீறிச்
சிவந்திட்ட கண்ணர் போலுந் திருப்பயற் றூர னாரே.

 

                  - திருநாவுக்கரசர் (4-32-2)

 

பொருள்:  உமை ஒரு பாகனார் பல ஊழிகளையும் படைத்த பெருமானாராய் ,  மேரு   மலையை வில்லாகக் கொண்டு , பாம்பை அதற்கு நாணாகக் கட்டி , உலகங்களில் பலரையும் சென்று பற்றி வருத்திய மும்மதில்களும் தீக்கு இரையாகுமாறு , வெகுண்டு சிவந்த கண்களையுடையவர் திருப்பயற்றூரனார் ஆவர்.