தினம் ஒரு திருமுறை

தினம்  ஒரு  திருமுறை

இசைவி ளங்கு மெழில்சூழ்ந் தியல்பாகத்
திசைவி ளங்கும் பொழில்சூழ் திருப்புத்தூர்
பசைவி ளங்கப் படித்தா ரவர்போலும்
வசைவி ளங்கும் வடிசேர் நுதலாரே.

 

                      - திருஞானசம்பந்தர் (1-26-5)

 

பொருள்: கங்கையாகிய பெண் விளங்கும் அழகிய சென்னியினராகிய இறைவர், புகழால் விளக்கம் பெற்றதும், இயல்பாக அழகு சூழ்ந்து விளங்குவதும், நாற்றிசைகளிலும் பொழில்கள் சூழ்ந்ததுமான திருப்புத்தூரில், வழிபடுவார்க்கு அன்பு வளருமாறு பழகும் பெருமானார் ஆவார்.