தினம் ஒரு திருமுறை

தினம் ஒரு திருமுறை

மாலன மாயன் றன்னை மகிழ்ந்தனர் விருத்த ராகும்
பாலனார் பசுப தியார் பால்வெள்ளை நீறு பூசிக்
காலனைக் காலாற் செற்றார் காஞ்சிமா நகர்தன் னுள்ளால்
ஏலநற் கடம்பன் றந்தை யிலங்குமேற் றளிய னாரே.

 

                     -திருநாவுக்கரசர்  (4-43-2)

 

பொருள்:  திருமாலைத் தம் மேனியில் மகிழ்ந்து ஏற்றவராய் , எவர்க்கும் மூத்தவராகவும் இளைய சிறுவராகவும் வடிவு கொள்பவராய் , ஆன்மாக்களுக்குத் தலைவராய் , பால் போன்ற வெள்ளிய திருநீற்றைப் பூசுபவராய்க் கூற்றுவனைத் தம் திருவடியால் ஒறுத்தவராய், கடம்பனுடைய தந்தையாராய்க் காஞ்சி நகரத்து விளங்கும் கோயிலிலுள்ளார்.