தினம் ஒரு திருமுறை

தினம் ஒரு திருமுறை

பொய்கடிந் தறத்தின் வாழ்வார்
புனற்சடை முடியார்க் கன்பர்
மெய்யடி யார்கட் கான
பணிசெயும் விருப்பில் நின்றார்
வையகம் போற்றுஞ் செய்கை
மனையறம் புரிந்து வாழ்வார்
சைவமெய்த் திருவின் சார்வே
பொருளெனச் சாரு நீரார்

            - சேக்கிழார் (12-3-2)

பொருள்: உலகியற் பொருள்களில் பற்று வைக்காமல் , நிலையுடைய அறத்தில்  பற்று வைத்து வாழ் பவர். கங்கையை சடையில்  உடைய சிவபெருமானிடத்து அன்புடையவர். உண்மையான அடியவர்களுக்கு  தொண்டு களைச் செய்து வரும் விருப்புடையவர். உலகினரால் போற்றப்பெறும் இல்லறத்தை ஏற்று ஒழுகுபவர். சைவத்தின் உண்மைப் பொருளாக விளங்குகின்ற சிவபரம்பொருளைச் நினைத்தே வாழ்பவர்.