தினம் ஒரு திருமுறை

தினம் ஒரு திருமுறை

கல்வி யாளர் கனகம் மழன்மேனி
புல்கு கங்கை புரிபுன் சடையானூர்
மல்கு திங்கட் பொழில்சூழ் நறையூரில்
செல்வர் சித்தீச் சரஞ்சென் றடைநெஞ்சே.

 

                - திருஞானசம்பந்தர் (1-29-3)

 

பொருள்: !  கல்வியாளர் நிறைந்ததாய், பொன்னை  ஒத்த மேனியராய்,கங்கை தங்கும் முறுக்கேறிய சிவந்த சடையினை உடையவராய் விளங்கும் சிவபிரானது ஊர், திங்கள் தங்கும் பொழில்கள் சூழ்ந்ததாய் விளங்கும் நறையூராகும். அவ்வூரில் செல்வர் வணங்கும் சித்தீச்சரத்தைச் சென்றடைவாய் நெஞ்சமே!!