தினம் ஒரு திருமுறை

தினம் ஒரு திருமுறை

கள்ள வளாகங் கடிந்தடி
மைப்படக் கற்றவர்தம்
உள்ள வளாகத் துறுகின்ற
உத்தமன் நீள்முடிமேல்
வெள்ள வளாகத்து வெண்ணுரை சூடி
வியன்பிறையைக்
கொள்ள வளாய்கின்ற பாம்பொன் றுளது
குறிக்கொண்மினே.

 

                        - சேரமான்பெருமாள்  நாயனார் (11-6-78)

 

பொருள்: வஞ்சனைக்கு இடம் அளிக்கா மல் இருந்து , உண்மையாக அடிமைப்படத் தெரிந்தவர்களுடைய உள்ளத்தில் வீற்றிருக்கின்ற, மேலானவனாகிய சிவ பெருமான் தனது நீண்ட முடியின்மேல் பெருவெள்ளப் பரப்பின் நுரையிலே சூடிய வெள்ளிய பிறையைக் கொள்ளுதற்குச் சூழ்கின்ற பாம்பு ஒன்று இருத்தலைக் கருத்துட் கொள்ளுங்கள்