தினம் ஒரு திருமுறை

தினம் ஒரு திருமுறை

மத்தம்மத யானையின்
வெண்மருப் புந்தி
முத்தங்கொணர்ந் தெற்றிஓர்
பெண்ணை வடபால்
பத்தர்பயின் றேத்திப்
பரவுந் துறையூர்
அத்தாஉனை வேண்டிக்கொள்
வேன்தவ நெறியே.

 

           - சுந்தரர (7-13-2)

 

பொருள்:  மதயானைகளின் கொம்புகளைத் தள்ளிக்கொண்டுவந்து அவற்றில் உள்ள முத்துக்களைக் கரையில் எறிவதாகிய  பெண்ணையாற்றின் வடகரைக்கண் உள்ள ,  பக்தர்கள்  பலகாலும் வந்து ஏத்தி வழிபடுகின்ற திருத்துறையூரில் எழுந்தருளியுள்ள தந்தையே , உன்பால் அடியேன் தவநெறியையே  தவிர வேறொன்றையும் வேண்டிகொள்ளேன் .